Горький тимер юлы «Поездларга юл бир!» акциясенә йомгак ясады
"Поездларга юл бир!" профилактик балалар айлыгы 2025 елның 1 сентябреннән 30 сентябренә кадәр Горький магистрале чикләрендә узды.
Акция барышында тимер юл хезмәткәрләре мәктәп укучыларына транспортта үз-үзеңне куркынычсыз тоту кагыйдәләрен кабат искә төшерделәр. Россия эчке эшләр Министрлыгының Идел буе федераль округы буенча транспорт идарәсе бүлекчәләре белән берлектә тимер юлда үз-үзен тоту кагыйдәләрен бозучы гражданнарны ачыклау буенча станцияләрдә һәм магистраль кисешүләрендә 3 меңгә якын рейд оештырылды.
Тимер юл янында урнашкан уку йортлары һәм балаларга өстәмә белем бирү учреждениеләре аңлату һәм профилактика эшләре уздырды. Айлык кысаларында тематик лекцияләр һәм әңгәмәләрне 40 меңгә якын бала һәм аларның ата-аналары тыңлады.
Мондый формат үсеп килүче буынга җентекләбрәк һәм адреслырак әңгәмәләр үткәрергә, аларның игътибарын тимер юл инфраструктурасында куркынычсызлык кагыйдәләрен үтәү зарурлыгына юнәлтергә мөмкинлек бирә.
Шулай ук бу уку йортларында тимер юл янында үз-үзеңне тоту кагыйдәләре турында басма һәм электрон мәгълүмати материаллар таратылды, профилактик фильмнар һәм видеороликлар трансляцияләнде.