Татарстан Республикасында тимер юлчылар Тихоново - Урыссу маршруты буенча экология рейды уздырды
Яр Чаллы - Круглое Поле - Зәй - Әлмәт - Урыссу аралыгында тимер юлчылар экологик рейд уздырдылар. Чарада Куйбышев тимер юлы, региональ Росприроднадзор, җирле администрацияһәм профильле ведомство вәкилләре катнашты.
Экология рейды Татарстан Республикасының 9 муниципаль районындагы 24 торак пункт буенча узды. Рейдның максаты - санкциясез чүп урыннарын ачыклау гына түгел, ә калдыкларны җыю проблемасына җәмәгатьчелекнең игътибарын җәлеп итү, чөнки бу әйләнә-тирә мохиткә һәм поездларның имин хәрәкәтенә куркыныч тудыра.
Экозрейд барышында катнашучылар чүп-чарның күп өлеше шәхси секторга, гараж кооперативларына һәм бакча ширкәтләренә якын территорияләрдә барлыкка килүен ачыкладылар. Нәтиҗәләр буенча, өч атна дәвамында шәһәр территориясен тиешле санитар-эстетик халәткә китерү турында карар кабул ителде.
Мондый чаралар Куйбышев тимер юлында ел саен уздырыла. Тулаем алганда, тимер юлчыларның һәм экология торышы өчен җаваплы ведомстволарның бердәм рейдыннан уңай нәтиҗә күзәтелә.