Бүген «Казан Экспо» халыкара күргәзмәләр үзәгендә региональ үсеш буенча Хөкүмәт комиссиясе президиумы (штабы) утырышы булды
Бүген «Казан Экспо»ХКҮ Росавтодорның «Россия Федерациясе субъектлары территориясендә юл эшчәнлеген гамәлгә ашыруга нәтиҗәле алымнар» фәнни-гамәли конференциясе кысаларында региональ үсеш буенча Хөкүмәт комиссиясе президиумы (штабы) утырышы булды. Чарада Россия Федерациясе Хөкүмәте Рәисе урынбасары Марат Хөснуллин, Татарстан Республикасы Рәисе Миңнеханов, Федераль юл агентлыгы җитәкчесе Роман Новиков, шулай ук Татарстан Республикасы транспорт һәм юл хуҗалыгы министры Фәрит Хәнифов катнашты.
Марат Хөснуллин билгеләп үткәнчә, илдә төбәк юлларының 50%ы норматив хәлгә китерелгән - бу 500 мең км тәшкил итә. Шул ук вакытта 18 регион бу күрсәткечкә ирешә алмады. «Шул ук вакытта Татарстан Республикасы әлеге күрсәткечне 80 %ка җиткерде. Ләкин бу сораулар белән шөгыльләнмәгән кешеләр дә бар. Шуңа күрә бу юнәлештә тагын бик күп эшләргә кирәк. Тагын бер мөһим блок - муниципаль юллар. Бу юллар һәр кешегә, һәр торак пункт өчен мөһим. Мондый юллар бездә 1 млн км артык. Бу шулай ук шөгыльләнергә кирәкле булган төп тема», - диде РФ вице-премьеры.
Марат Хөснуллин «Төньяк-Көньяк» транспорт коридорының үсеш темасына аерым тукталды. Ул билгеләп үткәнчә, әлеге проектта Россия партнерлары ислам дөньясы дәүләтләре кызыксыналар. Аерым алганда, бу мәсьәләләр буенча май аенда узачак KazanForum кысаларында фикер алышу планлаштырыла.