30 апрельдә «Җиңү паровозы» беренче тапкыр Яр Чаллы һәм Бөгелмә шәһәрләрендә тукталыш ясый
29 апрельдән 5 майга кадәр Куйбышев тимер юлында оештырылган "Җиңү Паровозы" ретро-составы 7 иң эре магистральдә булачак. Татарстан Республикасы территориясендә паровоз 30 апрельдә Бөгелмәдә 08:30 сәгатьтә һәм Яр Чаллы шәһәрендә 18:30 сәгатьтә тукталачак. Бәйрәм турының гомуми озынлыгы 2,5 мең км чамасы тәшкил итәчәк.
"Җиңү Паровозы" башында - бәйрәмчә бизәлгән "Лебедянка" паровозы. Составка Бөек Ватан сугышы вакытындагы хәрби техника белән платформалар һәм Үлемсез полкның пассажир вагоннары кертелгән. Һәр шәһәрдә чараның кунаклары уникаль хәрби экспонатлар белән фотога төшәчәк, 1945 елгы атмосфераны торгызучы реконструкция, фронттан кайткан солдатларның очрашулары, шулай ук бәйрәм концертын карый алачак.
Станцияләрдә "Георгий тасмасы" акциясе дә узачак.