Фәрит Хәнифов: «Су басу, гидротехник корылмаларда суның биеклеген тикшереп тору турында хәбәрләргә вакытында җавап бирергә кирәк»
Бүген Татарстан Республикасы Хөкүмәте Йортында Татарстан Республикасы Премьер-министрының беренче урынбасары Рөстәм Нигъмәтуллин рәислегендә Гадәттән тыш хәлләрне кисәтү һәм янгын куркынычсызлыгын тәэмин итү комиссиясе утырышы узды. Чарада Татарстан Республикасы транспорт һәм юл хуҗалыгы министры Фәрит Хәнифов катнашты.
Ведомство башлыгы 2023 елда автомобиль юлларында су ташу чорында әзерлек турында сөйләде. Ул Министрлык каршында язгы ташуга каршы комиссия төзелүен һәм язгы ташуны гадәттән тыш хәлләрсез үткәрүне тәэмин итү буенча юл тармагы оешмалары өчен тәкъдимнәр исемлеге раслануын хәбәр итте.. «Бүгенге көндә федераль әһәмияттәге автомобиль юллары буенча 107 күпер әзер. Барлыгы 1275 суүткәргеч торбаларның 816 кардан чистартылган», - дип сөйләде Фәрит Хәнифов. Региональ әһәмияттәге юлларда 1 067 күпер кичүе бар, шулардан 1035 күпер су ташуына әзер, бу 97 % тәшкил итә. Су үткәрү торбаларын чистарту эшләре 77 % үтәлде. Әлеге эшләрне тулысынча 2023 елның 1 апреленә кадәр тәмамлау планлаштырыла», - дип өстәде министр.
Татарстанда 115 плотина бар. "Барлык плотиналар да тикшерелде, хәзерге вакытта вәзгыять тотрыклы. Шулай да язгы ташу чорында эше вакытында оештырырга кирәк”, - дип мөрәҗәгать итте ТР Транспорт һәм юл хуҗалыгы министрлыгы башлыгы муниципаль берәмлекләр башлыкларына..
Язгы ташу тәмамланганчы матди-техник ресурс запасларын булдыру турындагы материалларны мониторинглау һәм гомумиләштерү оештырылды, гадәттән тыш хәлләрне кисәтү һәм бетерү, су үткәргеч торбаларның һәм су ташу өчен күперләрнең әзерлеге. Су ташу, гидротехник корылмаларда су дәрәҗәсен тикшереп тору турындагы хәбәрләргә вакытында җавап бирергә, язгы ташу вакытында гадәттән тыш хәлләрне кисәтү буенча карарлар кабул итүне тәэмин итү өчен кирәкле мәгълүматны вакытында бирергә кирәк”, - дип йомгаклады министр.
Фотосурәтләр: Татарстан Республикасы Хөкүмәтенең сайты