Министрлыкта «Эре габаритлы һәм авыр йөкле автомобиль йөртүгә махсус рөхсәтләр бирү» электрон ИАС укыту буенча семинар-киңәшмә узды
Бүген Министрлыкта ТР транспорт һәм юл хуҗалыгы министры урынбасары Артем Чукин рәислегендә «Эре габаритлы һәм (яисә) авыр йөк ташуга махсус рөхсәтләр бирү» электрон мәгълүмат-аналитика системасында эшләү мәсьәләләре буенча семинар-киңәшмә узды. Чарада «Волго-Вятскуправтодор» ФКУ, «Юл хәрәкәте иминлеге» ДБУ вәкилләре һәм муниципаль берәмлекләрдән «Рөхсәтләр бирү» системасында эшләгән өчен җаваплы затлар катнашты. Шулай ук видеоконференцэлемтә рәвешендә «Росдормониторинг» ФКУ директорының беренче урынбасары Василий Шубенков һәм «Росдормониторинг» ФКУ директоры урынбасары Станислав Головач катнашты.
Исегезгә төшерәбез, "Россия Федерациясендә автомобиль юллары һәм юл эшчәнлеге турында һәм Россия Федерациясенең аерым закон актларына үзгәрешләр кертү турында" Федераль законга үзгәрешләр кертү хакында" 2020 елның 20 июлендәге 239-ФЗ номерлы Федераль закон нигезләмәләренә ярашлы рәвештә, 2023 елның 1 гыйнварыннан эре габаритлы һәм (яисә) авыр йөкле транспорт чаралары хәрәкәтенә махсус рөхсәтләр "Росдормониторинг" ФКУ вәкаләтле оешмасы аша электрон рәвештә федераль юл агентлыгы тарафыннан бирелә.
Киңәшмә барышында электрон рәвештә һәм аннан соң авыр йөкле һәм эре габаритлы автотранспорт чаралары хәрәкәтенә махсус рөхсәт бирү өчен Татарстан Республикасының гомуми файдаланудагы җирле әһәмияттәге автомобиль юллары турында белешмәләр кертү буенча укулар үткәрелде. Шулай ук "Росдормониторинг" ФКУ вәкилләре системага мәгълүмат кертү өлешендә кагылышлы сорауларга җавап бирделәр.
Федераль юл агентлыгы тарафыннан уздырылган дәүләт мәгълүмат системасын модернизацияләү транспорт инфраструктурасы объектларын кертү һәм югарыда күрсәтелгән пассажирлар йөртүне килештерү максатында автомобиль юллары балансында эшләүчеләрне әлеге системага тоташтыру мөмкинлеген тәэмин итте.