Февраль бәйрәмнәрендә Казан белән Мәскәү арасына өстәмә поездлар куела
Февральдә бәйрәм көннәрендә Горький тимер юлында пассажирлар ташуга ихтыяҗ арту сәбәпле, 2023 елның 22 һәм 25 февралендә Казан белән Мәскәү арасында яңа өстәмә поездлар билгеләнгән.
216 номерлы Мәскәү - Казан өстәмә поезды Мәскәүдән 22 февральдә 13:10 сәгатьтә китәчәк, Татарстан башкаласына икенче көнне 00:58 сәгатьтә киләчәк.
273 нче Казан - Мәскәү өстәмә поезды Казан станциясеннән 25 февральдә 16:06 сәгатьтә китәчәк, икенче көнне иртән 4:50 сәгатьтә Мәскәүгә киләчәк.
Исегезгә төшерәбез, элегрәк февраль бәйрәмнәрендә Казан белән Мәскәү арасындагы сәфәргә югары ихтыяҗ аркасында өстәмә 7 поезд билгеләнгән иде. Моннан тыш, инде билгеләнгән поездлар составына өстәмә вагоннар кертелергә мөмкин.
Билетларны кассаларда, «РЖД» ААҖ сайтында «Пассажирлар» бүлегендә, шулай ук «РЖД Пассажирам» мобиль кушымтасы аша рәсмиләштерергә мөмкин.