Татарстанда тимер юл инфраструктурасы объектларында травматизм саны кимеде
2022 елда Татарстан Республикасында Горький магистраленең тимер юл инфраструктурасы объектларында җитештерүчән булмаган травматизм очраклары саны 2021 ел белән чагыштырганда кимеде.
Узган ел үз саксызлыгы аркасында 24 кеше имгәнгән, шуларның 15е үлем белән тәмамланган. 2021 елда зыян күрүчеләр саны 27 кеше, 23 очрак үлемгә китергән.
Һәлакәтләрнең төп сәбәпләре хәрәкәт итүче поезд алдында тимер юл буенча йөрү, электр тогы белән имгәнү, шулай ук поезд хәрәкәте вакытында җәяүлеләр түшәмендә булу.
Горький тимер юлы хезмәткәрләре Тимер юл инфраструктурасы объектларында гражданнарның травматизмын кисәтү буенча даими рәвештә профилактик эш алып баралар. Гражданнарны тимер юл транспортында шәхси куркынычсызлык кагыйдәләрен үтәргә, поездлар хәрәкәте зонасында уяу булырга һәм вагоннарга утырганда һәм аннан төшкәндә, шулай ук платформаларда булганда мобиль телефоннар һәм гаджетлар кулланудан баш тартырга чакырабыз.