Татарстаннан Әрмәнстанга турыдан-туры авиарейс

2022 елның 9 ноябре, чәршәмбе

«Казан» халыкара аэропортының яңа чит ил партнёры Armenia Airways авиакомпаниясе Ереван-Казан-Ереван маршруты буенча даими рәвештә пассажирлар ташуга кереште. Беренче рейс кичә символик тасманы кисү тантанасында ачылды. Чарада Armenia Airways авиакомпаниясе һәм "Казан" халыкара аэропорты җитәкчеләре катнашты.

Әрмәнстан башкаласына очышлар сишәмбе көннәрендә башкарыла:

- Казаннан 22:20 сәг очып китә, билгеләнгән пунктка 02:30 сәг килеп төшә;

- Ереваннан 19:00 сәгатьтә очып китә, "Казан" аэропортына 21:20 сәгатьтә утыра.

Сәфәрнең озынлыгы 3 сәгатьтән артык дәвам итә.