Мамадыш районында Мамадыш-Кукмара автомобиль юлы 30 апрельдән транспорт хәрәкәте өчен вакытлыча ябыла

2020 елның 29 апреле, чәршәмбе

Мамадыш муниципаль районында 30 апрельдән 26 июньгә кадәр Мамадыш – Кукмара автомобиль юлы 18,5 км дан 19,2 км га кадәр участокта вакытлыча ябыла. Бу чорда биредә реконструкция планлаштырылган.

Машина йөртүчеләргә төбәк әһәмиятендәге «Мамадыш – Кукмара» - Келәүш, «Мамадыш – Кукмара» - Ямаш, «Мамадыш – Кукмара» - Келәүш - Шәдче автомобиль юллары тәкъдим ителә. Тиешле юл билгеләре куелган юл хәрәкәтен оештыру схемасы ТР буенча ЮХИДИ белән килешенгән. Машина йөртүчеләрне юлның әлеге участогында үз маршрутларын алдан планлаштыруларын сорыйбыз.