«РОСТКИ» форумында түбән биеклектәге икътисад перспективалары турында фикер алыштылар

2026 елның 17 августы, дүшәмбе

Бүген Татарстан рәисе Рөстәм Миңнеханов «Казан Экспо» да «РОСТКИ» форумы кысаларында оештырылган «Түбән биеклектәге Икътисад: шәһәр мобильлегенең яңа контуры» түгәрәк өстәле эшендә катнашты. Чарада ТР Транспорт һәм юл хуҗалыгы министры Фәрит Хәнифов булды. 

Рөстәм Миңнеханов ассызыклаганча, түбән биеклектәге икътисад-технологик үсешнең иң перспективалы юнәлешләренең берсе, анда Россия һәм Кытай бүген үк чын мәгънәсендә нәтиҗәле хезмәттәшлек һәм партнерлык булдырырга сәләтле.

"Республика Россиянең яңа пилотсыз икътисады үзәкләренең берсенә әверелергә тиеш. Без уртак пилот проектларны, технологияләрне эшкәртү зоналарын һәм логистик коридорларны да кертеп, хезмәттәшлекнең яңа форматларын карарга әзер", - дип билгеләде Татарстан Рәисе.