Марат Хисаметдинов пилот Рәшит Ибраһимовны 99 яшьлек юбилее белән котлады
Бүген ТР Транспорт һәм юл хуҗалыгы министры урынбасары Марат Хисаметдинов гражданнар авиациясе пилоты Рәшит Габдрахман улы Ибраһимовны 99 яшьлек юбилее белән котлады. Министр урынбасары аңа тирән хөрмәт һәм казанышларын тану йөзеннән ТР Транспорт һәм юл хуҗалыгы министрлыгының Мактау грамотасын һәм истәлекле бүләк тапшырды.
Рәшит Ибраһимов - гаҗәеп язмышлы һәм зур һөнәри юллы кеше. Ул 1927 елның 28 июлендә Ульяновск өлкәсенең Елховое авылында туа. 1953 елда гражданнар авиациясенең Богуруслан очу училищесын тәмамлый - һәм шул вакыттан аның озын һәм бай очу карьерасы башлана.
1953 елдан 1986 елга кадәр Рәшит Габдрахман улы Казанның берләштерелгән авиаотрядында хезмәт итә. Бу еллар эчендә ул зур юл үтә: По‑2 һәм Ан‑2 самолетлары пилоты булып эшли башлый, ә соңрак Ил‑14 һәм Ту‑124 самолетлары командиры була. Аның профессиональлеге, җаваплылыгы һәм һавага тугрылыгы авиаторларның күп буыннары өчен үрнәк булды.