Үткән тәүлектә республика юлларында 413 берәмлек кар чистарту техникасы эшләгән

2020 елның 21 гыйнвары, сишәмбе

Татарстан буенча муниципальара маршрутларга мониторинг системасында 150 автобус чыккан. Аларда урнаштырылган ГЛОНАСС системасы күрсәткәнчә, тәүлек эчендә маршруттан тайпылуның 1 очрагы теркәлгән.

Республика юлларында 413 берәмлек кар чистарту техникасы эшләгән, шул исәптән төбәк юлларында - 287.

Казан аэропортыннан 74 рейс башкарылган, шул исәптә 9 чартер, 12 халыкара рейслар. Татарстан башкаласына 3081 кеше килгән, 6740 пассажир киткән.

21 нче гыйнварда республикада болытлы һава көтелә. Урыны белән кар һәм юеш кар. Аерым районнарда бозлавык, буран. Төньяк-көнбатыштан көньяк-көнбатышка таба күчүче талгын җил, урыны белән көчәйгәндә секундына 15 -17 метр. һава температурасы -3..+2 градус. Юлларда бозлавык, урыны белән көчле.