Татарстанда «Имин һәм сыйфатлы автомобиль юллары» илкүләм проекты кысаларында Чистай-Түбән Кама автомобиль юлын ремонтлау башланды

2019 елның 13 июне, пәнҗешәмбе

Татарстан Республикасы Түбән Кама муниципаль районында «Имин һәм сыйфатлы автомобиль юллары» илкүләм проекты кысаларында Чистай-Түбән Кама автомобиль юлын ремонтлау башланды.

Юл 3 техник категория нормативы буенча ике хәрәкәт полосасы белән проектланды, киңлеге 8 м тәшкил итә. Хәзер гомуми озынлыгы 1,8 км булган 48,6 км дан 49,4 км кадәр һәм 73,7 км дан 74,7 км га кадәр участокларда юлның өске катламын югары сыйфатлы ЩМА-16 асфальт-бетоныннан җәю тәмамланып килә. Әлеге участокларда шулай ук юл кырыйларын ныгыту, юл тамгаларын төшерү планлаштырылган.

Эшләрне тәмамлау вакыты - 1 июльгә кадәр.

Финанслау күләме 28 миллион сум тәшкил итә.

Юл эшләренең генераль подрядчысы - «Татавтодор» АҖ.