«Казан» халыкара аэропортында «Һава транспортында сервис» компетенциясе буенча ярышлар старт алды
Бүген «Казан» халыкара аэропортында «Һава транспортында сервис» компетенциясе буенча «Яшь профессионаллар» (WorldSkills Russia) VII Илкүләм чемпионаты финалын ачу тантанасы узды.
«Һава транспортында сервис» компетенциясендә 9 команда катнаша: «Казан» халыкара аэропорты (2 команда), Мәскәү («Царицыно» көллияте), Мәскәү өлкәсе («Московия» көллияте), Самара («Самара авиация техникумы»), Санкт-Петербург, Уфа, Ростов-на-Дону һәм Чиләбе шәһәрләре аэропортлары. Барлыгы 45 катнашучы һәм 18 эксперт.
Һәр командада - 25 яшькә кадәрге 5 кеше (3 авиация куркынычсызлыгы инспекторы һәм 2 теркәү агенты) һәм 2 эксперт.
Әлеге компетенция буенча ярышлар 20-23 майда «Казан» аэропорты базасында узачак.
Ачылу тантанасында чыгыш ясап, Татарстан Республикасы Транспорт һәм юл хуҗалыгы министры урынбасары Андрей Егоров һәр катнашучыга белемнәрен һәм күнекмәләрен максималь рәвештә мобильләштерүләрен теләде.