Түбән Камада Яңа ел экскурсион трамвае йөри башлады.
Традиция буенча, Түбән Каманың «Горэлектротранспорт» предприятиесе хезмәткәрләре сезонны хәйрия спектакле белән ачып җибәрде. Быел Түбән Каманың начар ишетүче балалар өчен интернат-йортында тәрбияләнүчеләр әкияти трамвайның беренче пассажирлары булды. Әкият геройлары белән бергә балалар Яңа ел маҗараларында катнаштылар, конкурсларның сорауларына бик теләп җавап бирделәр. Һәм Кыш Бабайның үзеннән бүләкләр алдылар.